أبيك النور أبيك الشمس أبيك الليل أبيك الضل

أبيك تحب أبيك تحن أبيك توله مثل الأول

آبى عينك تناظرني و تترقب لجياتي..!!



أبيك تحس أبيك ترد آبى البعد ما يطول

أبيك تشوف حبي لك في قلبي وفي ذاتي..!!



أبيك تلومني لا غبت أبيك تثور أبيك تزعل

وآبى أرضيك بخضوعي ومعك بكل غاياتي..!!



تعال قول لي أنت غلطان أبيك مني ما تخجل

تعال بلهفة الشوق تعال اسمع مناجاتي..!!



تعال قول أنا احبك آبى عروقي بها تنبل

أبيك تكون لي الدرب وابيك اقرب مسافاتي..!!



تعال اسقيني من حبك ترى جسمي بدى يذبل
تعال وشوف كثر الهم بدى يظهر بنظراتي..!!



تعال اشكي لك همومي خلاص أرجوك لا ترحل

أنا محتاج لوجودك يجمع باقي شتاتي..!!



أبيك النور أبيك الشمس أبيك الليل أبيك الضل

أبيك أنت لي الدنيا وتكون أخر محطاتي..!!



وإذا تأخرت بجياتي مابيك تنطر أبيك تسال

ومهما غبت عن عينك أبيك تخاف و تحاتي..!!



و إذا ماتت الفرحة وخان الوقت و تبدل

آبى أيدك تلازمني و تمسح كل دمعاتي..!!



و إذا تحت التراب جسمي بيبقى حبي و يظل
معاك دنياي أنا فيها ومن دونك نهاياتي..!!



أبيك تبكي علي موتي وآبى حزنك علي يطول
وأبيك تذكرني و تذكر ياروحي كل رغباتي ..!!

مما رآق لي

كلمات جميلة
شكرا الك اختي